İyun ayında Mark Zukerberq "Twitter"ə birbaşa rəqib olan "Threads" platformasını işə salıb. İlon Mask "Facebook"un qurucusunu məhkəmə ilə hədələyib, daha sonra isə döyüşə çağırıb. Zukerberq isə bu təklifə razılıq verib.

İndi hər iki milyarder MMA ulduzları ilə məşq edir və UFC prezidenti Dana Vayt döyüş təşkil edir.

UFC rəhbəri hesab edir ki, 39 yaşlı Zukerberqlə 52 yaşlı Maskın döyüşü tarixdə ən çox baxılan duel ola bilər.

Vəziyyətlə tanış olan mənbənin TMZ-yə verdiyi məlumata görə, İtaliyanın mədəniyyət naziri Gennaro Sangiuliano şəxsən döyüşün Kolizeydə keçirilməsini təklif edib.

Qeyd edək ki, döyüşün tarixi və yeri qeyri-müəyyən olaraq qalır.