“Twitter” sosial şəbəkəsi təşkilatlar və dövlət qurumları üçün pullu ola bilər.

Bu barədə İlon Mask Tvitterdəki səhifəsində məlumat verib.

““Twitter” adi istifadəçilər üçün həmişə pulsuz olacaq, lakin ola bilsin ki, kommersiya və ya hökumət istifadəçiləri üçün kiçik bir ödəniş tələb olunsun”, - deyə tvitdə bildirilir.

Aprelin 25-də “Twitter” rəhbərliyi  amerikalı sahibkar İlon Maskın şirkəti 44 milyard dollara alacağını açıqlamışdı. ABŞ Qiymətli Kağızlar və Birja Komissiyasının məlumatına görə, milyarder müqaviləni ləğv etmək qərarına gəlsə, “Twitter”ə 1 milyard dollar cərimə ödəməli olacaq. Müqavilənin bağlanma tarixi 24 oktyabr 2022-ci il tarixinə təyin edilib.