Günəşdə gün ərzində ikinci güclü partlayış baş verib.

TASS xəbər verir ki, bu barədə Rusiya Elmlər Akademiyasının Kosmik Tədqiqatlar İnstitutu məlumat yayıb.

Bildirilir ki, partlayış ən güclüdən bir pillə əvvəlki M səviyyəsində olub.

Qeyd edək ki, gün ərzindəki ilk partlayış zamanı Günəş Venera istiqamətində plazma buludu buraxıb. İkinci partlayışın hədəfi isə Yer olub.

30 avqust, 23:48

Günəşdə M sinfinə aid güclü partlayış qeydə alınıb.

Bu barədə Rusiya Elmlər Akademiyasının Tətbiqi Geofizika İnstitutu məlumat yayıb.

Məlumata görə, partlayış 23 dəqiqə davam edib. Nəticədə, Günəşdən Veneraya doğru plazma buludu istiqamətlənib.

Günəşdəki partlayışlar rentgen şüalanmasının gücünə görə bir neçə sinfə bölünür: A, B, C, M və ən güclüsü X. Bu partlayışlar Yerdə maqnit qasırğalarına səbəb ola bilər.