Bolqarıstanın paytaxtı Sofiyada keçirilən yeniyetmələr arasında cüdo üzrə dünya çempionatının qarışıq komanda yarışında Azərbaycan millisi uğurlu çıxışa start verib.

1/8 final mərhələsində Gürcüstan yığması ilə qarşılaşan millimiz rəqibini 4:2 hesabı ilə məğlub edərək 1/4 finala yüksəlib.

Qeyd edək ki, Azərbaycan cüdoçuları çempionatın fərdi yarışlarında da uğur qazanıblar. Belə ki, Anar Quliyev (50 kq) və Zeyd Ələsgərov (60 kq) bürünc medal əldə ediblər.