Goranboy rayonunun Balakürd kəndində ciddi yol-nəqliyyat hadisəsi baş verib.

RegionXəbərləricom.az xəbər verir ki, “VAZ” və “Mercedes” markalı avtomobillərin toqquşması nəticəsində ümumilikdə 7 nəfər xəsarət alıb. Yaralılar xəstəxanaya yerləşdirilib, onların şəxsiyyətləri müəyyənləşdirilir. Faktla bağlı araşdırma aparılır.

Yaralıların kimliyi məlum oldu

Hadisə nəticəsində xəsarət alanların adları açıqlanıb. Məlumata görə, yaralılar bunlardır:

2004-cü il təvəllüdlü Günel Mustafayeva

1987-ci il təvəllüdlü Sadiq Mustafayev

1998-ci il təvəllüdlü Vüsal Kazımov

2005-ci il təvəllüdlü Türkan Məmmədbəyli

2012-ci il təvəllüdlü Süleyman Mustafazadə

2004-cü il təvəllüdlü Fazil Əliyev

2013-cü il təvəllüdlü Yusif Mustafayev

FHN hadisə ilə bağlı açıqlama yaydı

Fövqəladə Hallar Nazirliyindən bildirilib ki, qurumun “112” qaynar telefon xəttinə qəza barədə məlumat daxil olub.

Əraziyə dərhal FHN-in Dövlət Yanğından Mühafizə Xidmətinin Goranboy rayon Yanğından Mühafizə Hissəsinin xilasediciləri cəlb olunub.

Müəyyən edilib ki, “Mercedes” və “VAZ 2107” markalı avtomobillərin toqquşması nəticəsində 2 nəfər deformasiyaya uğramış avtomobildə sıxılı vəziyyətdə qalıb. Yanğınsöndürən-xilasedicilər xüsusi texnika ilə onları çıxararaq təcili tibbi yardım briqadasına təhvil veriblər.

Hazırda faktla bağlı araşdırma aparılır.