Aparıcı Nəsimi Nəbizadənin bir müddətdir ki, reabilitasiya mərkəzinə yerləşdirilməsi ilə bağlı xəbərlər yayılıb.

Bu barədə özü sosial mediada yayılan məlumatların rəy bölməsində açıqlama yazıb.

Nəsimi Nəbizadə yayılan iddiaları təkzib edərək bildirib: 

“Ay qardaşlar, ay bacılar, yalandır bu yazılanlar... Mən düz 2 ildir çox yaxşıyam, evdəyəm, doğmalarımın yanındayam. Səhhətim də əladır. Dostlar da yanıma gəlir, Saray kəndindəyəm, bağdayam. Kim istəyirsə, qonağım olsun, gəlsin.

Bu reabilitasiya mərkəzləri reklam üçün hər vasitəyə əl atır, bəzi saytlarla birgə hərəkət edirlər. Qapıma gündə 20-dən çox mərkəzdən gəlirlər, deyirlər: "Nəsimi müəllim, 1 həftə bizə gəlin, qonağımız olun, nə istəyirsiniz yaradaq. Yeyin, için, dincəlin. Sonra da mətbuata haqqımızda müsbət danışın". Budur bunların dərdi.

Getməyəndə isə saxta saytlar vasitəsilə belə şayiələr yayırlar. Hətta kimlərsə gəlib qapımda gizlicə çəkiliş edir, sonra da çıxıb gedirlər. Bu, süjet deyil. Vəziyyətim yaxşıdır, kim inanmırsa, gəlib qapımı döysün, məni görsün”.

Qeyd edək ki, 3 gün öncə Ulvira Qarayeva da Nəsimi Nəbizadəni görməyə getmişdi və aparıcı səhhətinin yaxşı olduğunu bildirmişdi.