Əməkdar artist Xumar Qədimova doğum günündə sevənlərinə “Sevgilim” adlı mahnısını və ona çəkdirdiyi klipini təqdim edib.

Mahnının sözləri Əliağa Vahidə, musiqisi Qədimovanın özünə məxsusdur.

X.Qədimova saytımıza açıqlamasında yeni mahnısının yaranma tarixçəsindən danışıb: “Biz ailəlikcə şeir aşiqiyik. Bu şeiri də oğlum Uğur məsləhət gördü, ona musiqi bəstələyib oxumağımı istədi. Mahnının yaranmasına görə Uğura minnətdaram. 

Əslində, mahnı bir müddət əvvəl hazır idi. Mən bir nəğmənin üzərində çox çalışıram. O barədə çox həssasam. Saxladım ki, bu gün təqdim edim”. 

Əməkdar artist əlavə edib ki, doğum gününü qeyd etməyi sevir: “Bir neçə gün ailəlikcə və çox az adamla qeyd edirəm”.