Son illərdə demək olar istənilən yanacaqdoldurma məntəqələrində sürücülərə yanacaq qatqıları təklif edilir.

RegionXəbərləricom.az Xəzər TV-yə istinadən bildirir ki, sürücülərə yaxınlaşan yanacaqoldurma məntəqəsinin işçiləri, müxtəlif qiymətə olan yanacaq qatqılarını təkilif edirlər.

Bəs belə qatqıların yanacağın keyfiyyətinə təsiri varmı?

Avtomobil ustası Dəniz Ağabəyli deyir ki, bəzi sürücülər istehsalçı zavodun tələbinə uyğun yanacaqdan istifadə etmirlər. Onun sözlərinə görə, Avro-4 və Avro-5 standartlı avtomobillərdə Aİ-95 yanacağından istifadə edilməlidir.

Bəs Aİ-92 yanacağından istifadə edən sürücülər oktan ədədini artırmaq üçün qatqıdan istifadə edə bilərlərmi?

Avtomobil ustası hesab edir ki, bu cür qatqılar hətta dizel mühərrikli avtomobillər üçün də faydalıdır.

Ustanın sözlərinə görə, qatqıdan istifadə edilən avtomobilin yanacaq sistemi, şamları, qapayıcı və çiləyiciləri də uzunömürlü ola bilər.