Astaranın Kolatan kənd sakinləri - 28 yaşlı Qəmər Məmmədova və qardaşı, 30 yaşlı Mahir Sabirli evdən qovulduqlarını, aylardır küçələrdə qaldıqlarını bildiriblər.

"Ögey anamız bizi evdən qovub. Anam rəhmətə gedib. Atam ikinci dəfə evlənib. Yeddi aydır ki, küçələrdəyik. Lənkəranda meşələrdə qalmışıq, orada da heç kim bizə sahib çıxmadı. Qardaşım fəhləlik edir. Mən də xəstəyəm, işləyə bilmirəm", - Qəmər Məmmədova söyləyib.

Bacı-qardaşın sözlərinə görə, dörd gündür Astara sakini İlqar Quliyevin evində qalırlar.

"Qonşu qaça-qaça gəlib dedi ki, sizin evinizdə kimsə var. Mən də dərhal məhəllənin uşaqlarını yığdım, gəlib gördüm ki, bunlardır. Ev qardaşımın evidir, qəzalı vəziyyətdədir. Onları bir yerə yerləşdirmək lazımdır. Gecə burada ölə də bilərlər", - deyə ev sahibi İlqar Quliyev bildirib.

Qeyd edək ki, bacı-qardaşın sığınacağa yerləşdirilməsi üçün artıq aidiyyəti orqanlara müraciət olunub.

Ətraflı Baku TV-nin süjetində: