Xəbər verdiyimiz kimi,  fevralın 4-də Tərtərdə 23 yaşlı gənc minaya düşüb.

 “Azərbaycan universitetləri” səhifəsi sözügedən gəncin Bakı Dövlət Universitetinin (BDU) 2022-ci il Politologiya ixtisasının məzunu Həsənəli Əliyev olduğunu bildirib.

Qeyd olunub ki, Ə. Həsənəli BDU-nu ortalama 90+ balla fərqlənmə diplomu ilə bitirib:

“O, Polşanın Varşava Dövlət Universitetinə təqaüdlə qəbul alsa da, təhsilini davam etdirməyib”.

Xatırladaq ki, rəsmi açıqlamalara əsasən, rayonunun Qızıloba kənd ərazisində baş vermiş mina partlayışı nəticəsində ərazidə heyvan otaran 2001-ci il təvəllüdlü Tərtər rayonunun Qaradağlı kənd sakini Əliyev Həsənəli Şahin oğlu yaralanıb. Nəticədə onun sol ayağı topuqdan aşağı amputasiya olunub, sağ ayağı isə qəlpə yarası alıb.

Qeyd edək ki, bir gün sonra, fevralın 5-də Tərtər rayonunun Göyarx kəndi ərazisində Tərtər şəhər sakini Məmmədov Azər Əhməd oğlu da minya düşüb.