Naxçıvada baş verən ağır yol-nəqliyyat hadisəsində həyatını itirən şəxslərdən biri nazirlik əməkdaşı olub.

RegionXəbərləricom.az oxu.az-a istinadla xəbər verir ki, yol-nəqliyyat hadisəsi zamanı həyatını itirən Möhlət Zamanov Muxtar Respublikanın Maliyyə Nazirliyinin əməkdaşı imiş.

Hadisə Babək rayonunun Qahab kəndi ərazisində qeydə alınıb. pizza

33 yaşlı Möhlət Zamanovun idarə etdiyi "Mercedes" markalı avtomobil "Ford" markalı nəqliyyat vasitəsilə toqquşub.

Nəticədə Qahab kənd sakini, Möhlət Zamanov və 27 yaşlı Naxışnərgiz kənd sakini Mənsur Zamanov hadisə yerində dünyasını dəyişiblər. Avtomobilin digər sərnişini, Naxışnərgiz kənd sakini, 30 yaşlı Şöhrət Zamanov isə ağır bədən xəsarətləri ilə Naxçıvan xəstəxanasının travmatologiya şöbəsinə yerləşdirilib. Onun vəziyyətinin orta ağır olduğu deyilir.

Faktla bağlı araşdırmalar davam etdirilir.