Azərbaycan Silahlı Qüvvələrinin sabiq Baş Qərargah rəisi Nəcməddin Sadıkov 44 günlük Vətən müharibəsi zamanı Türkiyənin xüsusi xidmət orqanları tərəfindən dindirilib.

Bakupost xəbər verir ki, bu iddianı nüfuzlu "Middle East Eye" nəşri adı açıqlanmayan diplomatik mənbəyə istinadla dərc edib. Məqalənin müəllifi jurnalist Raqıp Soyludur.

Jurnalistin sözlərinə görə, Türkiyə rəsmiləri Azərbaycan ordusunda Rusiya tərəfdarı şəxslərin müəyyənləşdirilməsində iştirak ediblər. pizza hut

“Bu “ünsürlərdən” biri də rusiyayönlü simpatiyada şübhəli bilinən Azərbaycan Silahlı Qüvvələrinin o zamankı Baş Qərargah rəisi Nəcməddin Sadıkov olub. Vəziyyətlə tanış olan mənbənin verdiyi məlumata görə, müharibə günlərində Türkiyə hakimiyyəti onun deportasiyasını təşkil edib, dindirmək üçün Türkiyəyə aparıb və yalnız bundan sonra Rusiyaya qayıtmasına icazə verib.”, – deyə jurnalist yazır.

Qeyd edək ki, 44 günlük müharibə zamanı da Azərbaycan cəmiyyətində Nəcməddin Sadıkovun Rusiyaya bağlı olduğu müzakirə edilirdi. Bu səbəbdən də onun Baş Qərargah rəisi vəzifəsindən azad edildiyi deyilirdi.