Qoç

Heç bir vacib işi sonraya saxlamayın. Səhərdən etibarən nikbin ruhda olacaqsınız və bir çox ciddi vəzifəni yerinə yetirə biləcəksiniz. Bir çox Qoçlar rəhbərlik tərəfindən yüksək qiymətləndiriləcək dəyərli təkliflər irəli sürəcəklər. Özünüzü ən yaxşı tərəfdən göstərmək və işgüzar reputasiyanızı gücləndirmək üçün imkan yaranacaq. Faydalı əlaqələr qurmaq üçün əlverişli vaxtdır. Hətta əvvəl sizə qarşı o qədər də xoş münasibət göstərməyən insanlarla belə qarşılıqlı anlaşmaya nail olmaq asan olacaq.

Axşam saatları ciddi işlər və mübahisəli mövzuların müzakirəsi üçün uyğun deyil. Toplanmış yorğunluqdan qurtulmaq üçün sizi sevindirən məşğuliyyətlərə və ya sevdiyiniz insanla ünsiyyətə vaxt ayırın.

Buğa

Gün bir qədər çətin başlayacaq, amma hər şey tədricən yoluna düşəcək. Səhər saatlarında əsəbiliyin öhdəsindən gəlmək çətin olacaq. Bir çox Buğalar həddindən artıq impulsiv olacaqlar, buna görə də mühüm qərarlar qəbul etməkdən çəkinmək daha yaxşıdır. Yeni başlanğıclar üçün ən uğurlu zaman deyil, amma mövcud vəzifələrin öhdəsindən gözəl gələcəksiniz.

Günün ikinci yarısında cazibədarlığınız hiss olunacaq dərəcədə artacaq, əhvalınız da yaxşılaşacaq. Bürcün bəzi nümayəndələri xoş və faydalı tanışlıqlar edəcəklər. Romantik bir münasibətin başlanması da istisna deyil. Hadisələr çox sürətlə inkişaf etməsə də, ahəngdar və emosional dalğalanmalar olmadan irəliləyəcək.

Əkizlər

Kimin gəldi-gəlmədiyinə inanmaqda tələsməyin. Kimlərsə sizi aldatmağa və ya yanlış istiqamətə yönəltməyə çalışa bilər. Ona görə də ayıq-sayıq olmaq, bütün məlumatları yoxlamaq və qərarları şəxsi maraqlarınıza uyğun şəkildə vermək yerinə düşər.

Bir çox Əkizlər özlərində yeni yaradıcı bacarıqlar kəşf edəcəklər. Maraqlı ideyalar çox olacaq, amma onların hamısını həyata keçirmək mümkün olmayacaq. Şəraitə qarşı çıxaraq inadkarlıq göstərmək və gücünüzü boş yerə sərf etmək əvəzinə, hadisələrin axarına uyğun davranmaq daha ağıllı olar. Əlaqələrin bərpası üçün əla gündür. Şərait sizi lazım olan insanla qarşılaşdıracaq. Sadəcə olaraq qərar verməlisiniz – bu münasibətə ikinci şans vermək istəyirsinizmi.

Xərçəng

Hər şey ilk cəhddə uğurlu alınmayacaq. Buna görə narahat olmağa dəyməz. Bəzi ideyalarınızı daha sonrakı vaxta təxirə salmaq daha doğru olar, çünki onları həyata keçirmək üçün indi ən uyğun zaman deyil. Bir çox Xərçənglər fikirlərini toplamaqda və detallara diqqət yetirməkdə çətinlik çəkəcəklər. Bu səbəbdən də yüksək diqqət tələb edən işlər onlara ağır gələ bilər.

Əgər şəxsi həyatınızda son zamanlar hər şey qaydasında deyildisə, vəziyyəti yaxşılaşdırmaq üçün imkan yaranacaq. Sevdiyiniz insanla bütün toplanmış ziddiyyətləri müzakirə edib onları həll edə biləcək və bir-birinizə daha çox etibar etməyə başlayacaqsınız.

Şir

Günə sadə və sizə tanış olan rituallarla başlayın. Bu gün təsirlənməyə daha meylli olacaqsınız, bu da çətinliklərlə mübarizəni adi günlərə nisbətən bir qədər çətinləşdirəcək. Özünüzdən və ətrafınızdakılardan çox şey tələb etməyin. Rutini işləri çox yaxşı yerinə yetirəcəksiniz. Başladığınız işləri başa çatdırmaq və əvvəllər buraxılmış səhvləri düzəltmək üçün imkan yaranacaq.

İntuisiyanız güclənəcək və onun səsinə qulaq asmaq faydalı olacaq. Sağlam düşüncəniz də düzgün qərarlar verməyinizə kömək edəcək və başqalarının sizi çaşdırmasına imkan verməyəcək. Bəzi Şirlər faydalı əlaqələr qura biləcəklər və hətta uzun müddətdir onlara qarşı mənfi münasibət bəsləyən insanları da öz tərəflərinə çəkə biləcəklər.

Qız

Qarşınızda bir çox uğurlu imkanlar açılacaq. Ambisiyalarınız artacaq və bu, digər insanların öhdəsindən gələ bilmədiyi vəzifələri həll etməyinizə kömək edəcək. Əksər Qızlar enerji, ilham hiss edəcək, özlərində yeni istedadlar kəşf edəcəklər. Liderlik keyfiyyətlərinizi nümayiş etdirə biləcək və karyera yüksəlişi şanslarınızı artıracaqsınız.

Kiçik, amma sabit maliyyə uğuru mümkündür. Bu uğur göydən düşməyəcək, əvvəlki səylərinizin nəticəsi olacaq. Amma bu, rahatlaşıb dayanmaq üçün səbəb deyil. Səylərinizi davam etdirin, o zaman yalnız vacib işlərin öhdəsindən gəlmək yox, həm də gələcək uğurlar üçün güclü təməl yaratmaq mümkün olacaq.

Tərəzi

Asan gün deyil. Ən vacibi – emosiyalarınızın öhdəsindən gəlməyə çalışın. Şərait kifayət qədər əlverişli olacaq, amma ondan istifadə etmək hər zaman alınmayacaq. Əksər Tərəzilər üçün özlərini nəzarətdə saxlamaq, hisslərini çox güclü şəkildə ifadə etməmək və ətrafdakı insanlarla əsassız mübahisələrə girməmək çox vacib olacaq.

Əhval dəyişikliyi işlərinizə mane ola bilər. Yeni başlanğıclar üçün uğurlu gün deyil, amma mövcud vəzifələrin öhdəsindən gələ biləcəksiniz. Ətrafınızdakıların köməyinə çox arxalanmaq lazım deyil, təkbaşına daha yaxşı nəticələr əldə edə bilərsiniz. İş prosesində narahatlıqlardan bir qədər uzaqlaşmaq və diqqətinizi faydalı işlərə yönəltmək mümkün olacaq.

Əqrəb

Bu gün həddindən artıq təsirlənmək sizə zərər verə bilər. Hər şeyi ürəyinizə salmayın və tənqidi fikirlərə qarşı həddən artıq həssas yanaşmayın. Bəzi planları uzun müddətə təxirə salmaq lazım olacaq, amma bu sizi məyus etməməlidir. Bir qədər sonra onları həyata keçirmək mümkün olacaq və bu düşündüyünüzdən daha tez baş verəcək.

Rəhbərliklə qarşılaşmamağa çalışın. Nüfuzlu insanlarla dil tapmaq çətin olacaq, ona görə də yalnız öz gücünüzə arxalanın. İşdəki xırda uğursuzluqlar fonunda şəxsi münasibətlər xüsusi əhəmiyyət kəsb edəcək. Əksər Əqrəblər yaxınlarının və sevdikləri şəxsin dəstəyinə arxalana biləcəklər.

Oxatan

Anı dəyərləndirin. Səhər saatları qeyri-adi dərəcədə uğurlu keçəcək, ona görə də vaxtı boş yerə itirməyin. Bir çox Oxatanlar xüsusilə cazibədar olacaq, inandırma qabiliyyətlərini üzə çıxaracaqlar. Bəzi gizli istedadlar oyanacaq və bu günün problemlərini həll etməkdə sizə yardım edəcək. Yeni maraqlar da yarana bilər və bu maraqlar sizə həmfikir insanlarla tanış olmaq imkanı yaradacaq. Onların bəziləri sadiq müttəfiqinizə və ya səmimi dostunuza çevrilə bilər.

Günün ikinci yarısında xırda maneələrlə qarşılaşacaqsınız. Onların hamısını dərhal dəf etmək mümkün olmayacaq. Aydın şəkildə uğursuz görünən situasiyalarda israr etməyə çalışmayın. Bəzi hallarda bir qədər geri çəkilib planlarınızı təxirə salmaq daha ağıllı qərar olacaq.

Oğlaq

Əgər yaxşı çalışsanız, hər şey alınacaq. Müsbət düşüncə tərzi xırda uğursuzluqların öhdəsindən gəlməyə imkan verəcək. Bir çox Oğlaqlar faydalı bacarıqlar əldə edəcəklər və bu işdə onlara təcrübəli həmkarları və ya yaşca böyük dostları kömək edəcəklər. Qazandığınız biliklər yaxın zamanda sizə lazım olacaq. Gəlirinizin artmasını gözləyə bilərsiniz.

Axşam vaxtınızı ev işlərinə ayırın. Ailə üzvləri işlərinizə qarışmağa çalışacaqlar və bu, hər zaman yerində olmayacaq. Amma onlarla mübahisəyə girməyə dəyməz. Yaxınlarınızın enerjisini faydalı istiqamətə yönəltməyə çalışın. Bu, böyük xeyir gətirməsə də, heç olmasa zərər verməyəcək.

Dolça

Səbirli olun – buna ehtiyacınız olacaq. Bir çox Dolçalar maliyyə problemləri ilə üzləşəcəklər, amma bir qədər səy göstərməklə bu problemləri minimuma endirmək mümkün olacaq. Bütün hesablamalarınız doğrulmayacaq. Köhnə və etibarlı tərəfdaşlarınız sizi istəmədən belə yarı yolda qoya bilərlər. Rəhbərlik və nüfuzlu şəxslərlə mübahisələrdən uzaq durun, əks halda nüfuzunuza ciddi ziyan dəyə bilər.

Maliyyə dəstəyi və himayədarlıq almağa ümid etməyin. Ona görə də öz gücünüzə arxalanın və özünüzə artıq yük götürməyin. Yeni başlanğıclar üçün uyğun gün deyil, amma hazırkı vəzifələrin öhdəsindən uğurla gələcəksiniz.

Balıqlar

İş ritminə tədricən uyğunlaşın. Günün əvvəlində diqqətinizi toplamaq çətin olacaq. Bir çox Balıqlar öz vəzifələrinə məhəl qoymamaq və əvvəlki vədlərini unutmaq istəyəcəklər. Öz zəifliklərinizə çox güzəşt etməyin, əks halda peşman olacaqsınız. Kiçik maliyyə çətinlikləri mümkündür, amma onların öhdəsindən tez gələcəksiniz.

Hətta hər zaman yaxşı münasibətdə olduğunuz insanlarla da ümumi dil tapmaq həmişə mümkün olmayacaq. Köhnə ziddiyyətlər kəskinləşəcək, yeni fikir ayrılıqları yaranacaq. İmkan daxilində ünsiyyəti məhdudlaşdırın və nəticəsi yalnız sizdən asılı olan işlərə fokuslanın.