Almaniya öz müttəfiqləri ilə Ukrayna üçün 500 milyon dollar həcmində yeni hərbi yardım paketini maliyyələşdirməyə hazırlaşır.

Almaniya Müdafiə Nazirliyi xəbər verir ki, yardım NATO-nun “Ukraynanın ilkin zəruri ehtiyacları siyahısı” proqramına ayrıla bilər.

Nazirliyin sözügedən məlumatında ABŞ-yə Ukraynanı silah və sursatla təmin etməyə davam etmək istəyinə görə təşəkkür edilb.

Xüsusi olaraq Almaniyanın bu təşəbbüsə qoşulmaqla Ukraynaya dəstəyini əhəmiyyətli dərəcədə gücləndirdiyi vurğulanıb.

Xatırladaq ki, bir neçə gün öncə ABŞ-nin vitse-prezidenti Ceyms Devid Vens Ukrayna məsələsi ilə bağlı danışarkən Avropa ölkələrinin Ukraynanı maliyyələşdirməyə hazır olmalarının zəruriliyini vurğulayıb.