Anım Günündə ölkəmizin hər yerində olduğu kimi, Göyçay rayonunda da şəhidlərin xatirəsi ehtiramla anılıb.

RegionXəbərləricom.az xəbər verir ki, anım tədbirində Göyçay Rayon İcra Hakimiyyətinin başçısı, şəhid ailələri, qazilər, müharibə iştirakçıları, RİH-nin məsul şəxsləri, hüquq- mühafizə orqanlarının, idarə, müəssisə və təşkilatların rəhbərləri iştirak edib.

Tədbir iştirakçıları çıxış edərək igid döyüşçülərimizin, qazilərimizin igidliklərindən və tarixi 44 günlük qələbəmizdən danışdılar. Şəhid ailələrinə, qazilərə, müharibə iştirakçılarına göstərilən diqqət və qayğıdan razılığını ifadə edən çıxışçılar Ali Baş Komandan İlham Əliyevə və Birinci vitse Prezident Mehriban xanım Əliyevaya minnətdarlıqlarını və təşəkkürlərini bildiriblər.

Tədbir iştirakçıları Şəhidlər xiyabanını və şəhidlərin xatirəsinə ucaldılmış abidə kompleksini ziyarət etmiş, əbədi məşəl önünə əklil və gül-çiçək dəstələri qoyublar.

Saat 12:00-da Azərbaycanın ərazi bütövlüyünün, müstəqilliyinin, konstitusiya quruluşunun müdafiəsi zamanı şəhid olan hərbi qulluqçuların ruhu bir dəqiqəlik sükutla yad olunub.

Sonda isə Şəhidlər Xiyabanında ağaclar əkilib. 

Tədbirdən sonra rayonun Ləkçıplaq kəndində vətən müharibəsində şəhid olmuş Zamiq Əhmədovun anım mərasimi keçirilib. Mərasimdə rayon İcra Hakimiyyəti başçısı, hüquq mühafizə orqanlarının rəhbərləri, şəhid ailələri və ictimaiyyət nümayəndələri iştirak ediblər.

Fuad Hüseynov