İngiltərə yığmasının keçmiş yarımmüdafiəçisi və “İnter Mayami”nin sahibi Devid Bekhem komandasının hücumçusu Lionel Messinin təvazökarlığından danışıb.

Bekhem argentinalı futbolçunu ən təvazökar super ulduz adlandırıb.

“Onu canlı görən hər kəs onun fərqli, özünəməxsus olduğunu bilir. Mənə deyirdilər ki, ona uyğunlaşmaq üçün yəqin ki, vaxt lazım olacaq. Amma bu, onda saniyələr çəkdi”, - Bekhem bildirib.

İngilis futbolçu Messinin “İnter”dəki çıxışını da yüksək qiymətləndirib.

“Leo insanlara heç vaxt unutmayacaqları anlar bəxş edir. Amerikalı azarkeşlərin sevdiyi şey də budur”, - Bekhem bildirib.

Qeyd edək ki, 36 yaşlı Messi iyulun 15-də “İnter Mayami”nin heyətinə qoşulub. Onun klubla müqaviləsi 2024/2025 mövsümünün sonuna kimidir. Komandanın tərkibində o, Liqa Kubokunu qazanıb.