Rusiyanın paytaxtı Moskvada “Meqa Ximki” ticarət mərkəzində “OVI” hipermarketində yanğın başlayıb.

Yanğın 7000 kvadratmetr ərazini əhatə edir.

İlkin versiyalara görə yanğına səbəb qısaqapanma olub.

Fövqəladə Hallar Nazirliyinin məlumatına görə, Moskvadan olan yanğınsöndürmə və xilasetmə dəstələri ticarət mərkəzindəki “OVI” hipermarketində baş vermiş yanğının söndürülməsinə yardım etmək əraziyə cəlb edilib. Bundan əlavə yanğının söndürülməsinə aviasiya qüvvələrinin cəlb olunması planlaşdırılır.

Moskva vilayətinin prokurorluğu hipermarketdə baş vermiş yanğın faktı ilə bağlı araşdırmalara başlayıb.