İtaliyanın Katanzaro şəhəri yaxınlığında 40 metrlik yaxta batıb.

İon dənizində batan “May Saga” adlı yaxta rusiyalı milyarder iş adamı Gennadi Ayvazyana məxsus olub.

Hadisənin bir neçə gün əvvəl baş verdiyi bildirilir.

İtaliyanın Sahil Mühafizə Xidmətinin məlumatına görə, xilasetmə əməliyyatı zamanı 4 sərnişin və 5 ekipaj üzvü xilas edilib.

Qeyd edək ki, Gennadi Ayvazyan “Kuzbassrazrezugol” holdinqin ortaq sahibi və “Krutrade” şirkətinin direktorlar şurasının sədridir.