Qəza keçirən Ramazan Zeynalov hazırda Azərbaycan Tibb Universiteti Tədris Cərrahiyə Klinikasına yerləşdirilib.
Bu barədə xəstəxanadan məlumat verilib. O, hazırda klinikanın reanimasiya şöbəsindədir.
Bu arada Hacı Mazanın qəza zamanı çəkilən görüntüləri sosial şəbəkələrdə yayılıb.
Lent.az baku.ws-ə istinadən həmin görüntüləri təqdim edir:

12:39
Səhiyyə Nazirliyindən bildirilib ki, qəza nəticəsində Hacı Mazan sağ budunun sınığı, qapalı kəllə beyin travması ilə Biləsuvar rayon Mərkəzi Xəstəxanasına yerləşdirilib. Ona ilkin tibbi yardım göstərilib. O, xəstənin yaxınlarının istəyilə Bakı şəhərindəki xəstəxanalardan birinə gətirilir.
****
11:34
Bu gün səhər saatlarında Ələt-Astara avtomobil yolunun Biləsuvar rayonundan keçən hissəsində iki nəfərin xəsarət alması ilə nəticələnən yol-nəqliyyat hadisəsi baş verib.
regionxeberlericom.az virtualaz.org-a istinadla xəbər verir ki, Hacı Mazan kimi tanınan, əslən Masallı rayonundan olan iş adamı, 1959-cu ildə anadan olumuş Masallı rayonunun Yeddioymaq kənd sakini Ramazan Hüseyn oğlu Zeynalovun xidməti “Range Rover”inin qəzaya uğraması nəticəsində o özü və sürücüsü - 32 yaşlı Rəşad Ramiz oğlu Kərimov kəllə-beyin xəsarətləri ilə Biləsuvar Mərkəzi Rayon Xəstəxanasına yerləşdiriliblər.
Hadisənin “Range Rover”in təkərinin qəfildən sıradan çıxması ucbatından baş verdiyi deyilir.
Faktla bağlı araşdırma aparılır.
Redaktor.az qəza nəticəsində yararsız hala düşən“Range Rover”in fotosunu yayıb.



Paylaş: