“Azərsu” ASC-nin 3 nömrəli Regional Sukanal İdarəsinin Lənkəran Sukanal Sahəsinin həyətini su basıb.

Bu barədə Cenublu.az məlumat və foto yayıb.

Bildirilir ki, qurumun inzibati binası rayonun Zərifə Əliyeva küçəsində yerləşir.

İddiaya görə, hər tərəf su olduğundan idarənin binasının həyətinə girmək mümkün deyil.

Məsələ ilə bağlı “Azərsu” ASC-dən bildirilib ki, həmin ərazidə yığılan sular qar suyudur:

“Lənkəranda kanalizasiya xətti yoxdur. Həmin sular qar sularıdır. Bir neçə gündür rayona güclü qar yağdığından yağıntılar subasma halları yaradıb”.