Kanadada 22 həftəliyində doğulan iki uşaq dünyanın ən erkən dünyaya gələn əkizləri olaraq Ginnesin Rekordlar Kitabına düşüb.

Xarici KİV-in xəbərinə görə, əvvəlcədən sağ qalma şansı verilməyən körpələr 126 gün tez doğulublar.

Əvvəlki rekord 2018-ci ildə ABŞ-ın Ayova ştatında qeydə alınıb. O zaman əkizlər vaxtından 125 gün əvvəl dünyaya gəlib.

Adiya və Adrial adlanan körpələr ilk ad günlərini martın 4-də qeyd ediblər. Erkən doğuş olmadan hamiləlik, adətən 40 həftə davam edir. Bu o deməkdir ki, körpələr planlaşdırılandan 18 həftə tez doğulur.

Ana Şakina Rajendram hamiləliyin 21-ci həftəsi 5-ci günündə doğuşa başlayıb. Həmin vaxt ona körpələrin sağ qalma şansının “sıfır faiz” olduğu bildirilib. Ata Kevin Nadarajahın dediyinə görə, xəstəxana belə erkən doğumla körpələri saxlamağın mümkünsüz olduğunu və kömək edə bilməyəcəklərini bildiriblər.

Bir çox xəstəxanalar 24-26 həftəlik erkən doğuşlarda körpəni xilas etmək üçün heç bir səy göstərmir. Ancaq xoşbəxtlikdən cütlük Torontodakı Mount Sinai Xəstəxanasına köçürülüb. Xəstəxanada xüsusi yeni doğulmuş reanimasiya şöbəsi var.

Xəstəxanadan Shakina Rajendrama 22 həftəlik dövrə bir neçə saat qalmış doğum etsə belə, bunun mümkün olmayacağını bildiriblər.

Ağır qanaxmaya baxmayaraq, Rajendram "körpələri daha bir neçə saat içəridə saxlamağı bacardığını" söyləyib. 22 həftəlik dövrə girdikdən qısa müddət sonra körpələr dünyaya gəlib.

Qız körpəsi Adiya 330 qram, qardaşı Adrial isə 420 qram çəki ilə dünyaya gəlib. Ümumi çəkisi 750 qram olan körpələr ən yüngül əkizlər olaraq dünyaya gəliblər. İlkin ciddi sağlamlıq problemlərinə baxmayaraq, Adiah və Adrial indi bir yaşındadır.