Rusiyanın Ukraynaya genişmiqyaslı müdaxiləsinin doqquzuncu ayında təcavüzkar ölkənin başçısı Vladimir Putin müdafiə naziri Sergey Şoyqunun nüfuzunu bərpa etmək niyyətindədir.

Bu barədə ABŞ-ın Müharibə Araşdırmaları İnstitutunun (ISW) məlumat yayıb.

Amerikalı analitiklərin fikrincə, Müdafiə Nazirliyini tənqid atəşinə tutan təhlükəsizlik orqanlarının rəhbərlərinin birləşdiyi radikal qrupun artan təsirini tarazlaşdırmaq üçün Putin Rusiyanın informasiya məkanında Şoyqunun nüfuzunu bərpa etməlidir.

Ekspertlərə görə, Putin səfərbərliyin başa çatdığını Şoyqu ilə görüşdə deyil, özü – təkbaşına elan edə bilərdi. Amma bunu etmədi. Bununla belə, Putin uğursuz səfərbərliyi təkbaşına başa çatdırmaq üçün Şoyquya göstəriş verməsi də mümkündür.

“Onların ictimaiyyət önündə əvvəlcədən səhnələşdirilmiş görüşü son vaxtlarda Şoyqunun mediadakı çıxışlarının artması ilə üst-üstə düşür. Məsələn, bu həftə Şoyqu türk, çinli və qərbli həmkarları ilə bir neçə telefon danışığı aparıb. Belə yüksək səviyyəli görüşlər Şoyqunu və ölkənin ali komandanlığını Rusiyanın informasiya məkanında populyar olmasına baxmayaraq, eyni rütbə və səlahiyyətə malik olmayan təhlükəsizlik qüvvələrindən fərqləndirir”, - ekspertlər bildirirlər.

Analitiklər deyirlər ki, Şoyqunun yenidən “müsbət imic”lə informasiya məkanına qayıtması tamamilə Kremlin razılığından asılıdır, çünki bu halda Putin Şoyqunun nə vaxt açıq danışacağına nəzarət edə bilər.