"İnterfaks" agentliyi xəbər verir ki, Rusiya Prezidenti Vladimir Putin Baş nazir postuna yenidən Mixail Mişustinin namizədliyini irəli sürüb.

Bu xəbəri spiker Vyaçeslav Volodin verib: "Cümə günü Dumanın bütün fraksiyalarında Mişustinin namizədliyi müzakirə ediləcək. Bundan sonra isə Dövlət Dumasının plenar iclası başlanacaq".

Onun sözlərinə görə, iclas Mişustinin məruzəsi ilə başlayacaq və o, deputatların suallarını da cavablandıracaq. Sonra Dumanın fraksiyaları çıxış edəcəklər. Sonda Baş nazirin namizədliyi ilə bağlı səsvermə keçiriləcək.