Abşeron rayon  Xırdalan şəhər Mehdi Hüseyn küçəsinin sakinləri yaxınlıqda yerləşən “CRYSTAL Beton” zavodunun gecələr faliyyət göstərməsindən narazıdılar.

Zavod səhər saatlarına qədər falliyət göstərir.

Onlar bu halın yatmağa imkan vermədiyini və zavoddan çıxan toz-torpağın təmizlik problemlərinə, ciddi xəstəliklərə səbəb olduğunu deyirlər.

Sakinlərin sözlərinə görə məsələ ilə bağlı dəfələrlə aidiyyəti qurumlara müraciət etsələr də, nəticəsi olmayıb.

Məsələ ilə bağlı Abşeron rayon İcra Hakimyyətinə müraciət etdik. Qurumdan bildirildi ki, bu barədə araşdırma aparılacaq və ictimaiyyətə məlumat veriləcək.

“Crystal Beton” şirkəti ilə əlaqə saxlamaq isə mümkün olmadı.