Rusiyanın xalq artisti, dünya şöhrətli sənətçi Anna Netrebko Novosibirsk Opera və Balet Teatrından qovulub. Dia.az lent.az-a istinadən xəbər verir ki, buna Netrebkonun Rusiya hakimiyyətinə və prezident Vladimir Putinə qarşı sərt ifadələri səbəb olub.

Maraqlısı odur ki, sənətçinin dünya səhnələrindəki çıxışlarına da qadağa qoyulub. Hətta Nyu-Yorkda yerləşən Metropolitan Opera sənətçinin statusunu əlindən alıb. Çünki Anna Netrebko Putinin ən sevimli müğənnisi idi.

Ancaq sonradan rusiyalı opera ifaçısı isə prezident Vladimir Putindən fərqli düşündüyünü, Rusiyanın Ukraynaya qarşı hücumunu qınadığını bildirib.

Qeyd edək ki, Anna Netrebko xalq artisti, azərbaycanlı tenor Yusif Eyvazovla 2014-cü ildə ailə həyatı qurub. Onlar Yusif Eyvazovun ilk nikahından olan oğlu ilə birlikdə Vyanada yaşayırlar.