ritaniya şahzadəsi Harri anası mərhum şahzadə Diananın bomba zərərsizləşdirən təşkilata dəstək kampaniyasını təkrarlayıb.

Bu haqda “Associated Press” məlumat yayıb.

Belə ki, şahzadə Harri Anqolaya gedib və gülləkeçirməz jiletdə hələ də aktiv minaların basdırıldığı tarladan keçib.

Bildirilir ki, bu yolla o, dinc əhali üçün təhlükəli olan keçmiş döyüş bölgələrini minalardan təmizləyən “Halo Trust” xeyriyyə təşkilatına diqqət çəkmək istəyib.

Qeyd edək ki, 1997-ci ilin yanvarında “Halo Trust” təşkilatına dəstək olaraq şahzadə Diana da minalanmış sahədən keçib. Həmin gedişin fotoşəkilləri geniş şəkildə ictimaiyyətə çatdırılıb və minaları qadağan edən müqavilənin ratifikasiyasına kömək edib.