Meyxanaçı Ağamirzə Məmmədov həmkarı Namiq Qaraçuxurlu ilə bağlı sualları cavablandırıb.

RegionXəbərləricom.az axşam.az-a istinadla xəbər verir ki, ifaçı "Zarafat bir yana" proqramında ona verilən sualı ünvanlanıb:

"Namiq Qaraçuxurlu Aygün Kazımova ilə duet oxuyanda tənqid olundu. O vaxt meyxanaçının xanımla oxunmasına pis baxırdılar. Nə üçün indi buna pis baxmırlar" .

Ağamirzə isə bu addımı atan ilk meyxanaçının Qaraçuxurlu olmadığını deyib:

"Bunu Namiqdən qabaq edən olub. Bunu ilk edən Nizami Rəmzi olub. O, qadın ifaçı ilə duet oxuyub. Əvvəl pis baxırdılar, baxmırdılar bilmirəm, mən baxmamışam. Harada yaxşı iş, məhsul var, onun tərəfdarıyam. Ölürəm meyxana üçün. Meyxana yolunda çalışmışam. Saatlarla meyxana deyirəm. Kim mənə qalib gəlmək istəyirsə, musiqi verirsə dayanıram".