Qəbələdə benzindaşıyan yük maşını körpüdən aşıb.

Hadisə bir neçə saat əvvəl Vəndam qəsəbəsi ərazisində baş verib.

Avtomobilin sürücüsü idarəetməni itirərək maşını körpüdən aşırıb. Sürücünün hadisə yerində öldüyü bildirilir.

Təhlükəsizliyi təmin etmək üçün əraziyə polis və Fövqəladə Hallar Nazirliyinin əməkdaşları cəlb olunub.

Maşında baş verə biləcək mümkün partlayışın qarşısını almaq və sürücünü maşından çıxarmaq üçün tədbirlər görülür.

Qəbələ rayonu, Vəndam qəsəbəsi ərazisində yol-nəqliyyat qəzası baş verməsi nəticəsində yanacaq daşıyan avtomobil körpüdən aşıb.

FHN-dən "Qafqazinfo"ya verilən məlumata görə, Nazirliyin qüvvələri tərəfindən xüsusi xilasetmə vasitələrindən istifadə etməklə avtomobildə sıxılı vəziyyətdə qalan sürücünün meyiti çıxarılaraq aidiyyəti üzrə təhvil verilib.

Ərazidə müvafiq təhlükəsizlik tədbirləri görülür.

DİN-in Mətbuat Xidmətinin Şəki regional qrupundan “Qafqazinfo”ya verilən məlumata görə, bu gün saat 11:30 radələrində 1960-cı il təvəllüdlü Məhərrəm Quliyev idarə etdiyi “Mercedes” markalı yanacaq daşıyan yük avtomobili ilə Qəbələ rayonunun Vəndam qəsəbəsi ərazisində hərəkətdə olarkən idarəetməni itirib və nəticədə nəqliyyat vasitəsi əvvəlcə yolun kənarındakı iki minik avtomobilinə dəyib, daha sonra isə körpüdən aşıb.

Hadisə yerinə dərhal polis və FHN-in əməkdaşları cəlb olunub, zəruri təhlükəsizlik tədbirləri görülüb.  Avtomobildə sıxılı vəziyyətdə qalan M.Quliyevin meyiti çıxarılaraq aidiyyəti üzrə təhvil verilib.

Faktla bağlı araşdırma aparılır.