Türkiyəli mafiya başçısı Sedat Peker İnterpol xətti ilə axtarışa verilib.

RegionXəbərləri.com “TRT Haber”ə istinadən xəbər verir ki, onun barəsində 194 ölkədə "qırmızı bülleten"lə axtarış qərarı çıxarılıb.

Bildirilir ki, 1 fevral 2022-ci il tarixində çıxarılan qərar Anadolu Respublika Baş Prokurorluğu və Bursa Respublika Baş Prokurorluğuna göndərilib.

Qeyd edək ki, Sedat Peker cinayət təşkilatına rəhbərlik etdiyi səbəbilə İstanbul və Bursada 5 fərqli iş üzrə mühakimə olunur. Mütəşəkkil cinayətkar təşkilatın lideri olduğu iddiasıyla axtarılan S. Peker ölkə xaricində yaşayır.

Qeyd edək ki, İnterpolun rəsmi saytında Sedat Pekerin axtarışa verilməsi barədə hər hansı məlumat dərc olunmayıb.