Ukrayna Prezidenti Volodimir Zelenski Estoniyanın xüsusi mükafatı olan Tallin Gerbi ilə mükafatlandırılıb. “Report”un məlumatına görə, bu barədə Ukrayna Prezidenti Ofisinin mətbuat xidməti xəbər yayıb.

"Ukrayna Prezidenti Volodimir Zelenski xüsusi hörmət əlaməti olaraq təqdim edilən Tallin Gerbini alıb. Ukrayna dövlət başçısının təltif edilməsi haqqında qərar mayın 5-də Tallin Şəhər Şurası tərəfindən qəbul edilib", - məlumatda deyilir.

Qeyd olunur ki, Tallin şəhərinin meri Yevgeni Osinovski Vladimir Zelenskiyə verilən mükafatı Estoniyada səfərdə olan Ukrayna Ali Radası sədrinin birinci müavini Aleksandr Korniyenkoya təqdim edib.

Osinovski vurğulayıb ki, bu mükafat “Tallin və onun sakinlərinin Ukrayna xalqı ilə həmrəyliyini və onlara Rusiya təcavüzünə qarşı qəhrəmancasına mübarizədə dəstəyini nümayiş etdirir”.