Bəzi vətəndaşlar iddia edirlər ki, məişət tullantılarının daşınması üçün göstərilən xidmətə görə hər ay onlardan 12 manat tələb olunur.

Bakı Şəhər Mənzil-Kommunal Təsərrüfat Departamentindən Oxu.Az-ın sorğusuna cavab olaraq bildirilib ki, bərk məişət tullantılarının toplanması, yığılması, daşınması və zərərsizləşdirilməsinə görə, adambaşına ayda bir manat kommunal xidməti tarifi müəyyən edilib.

Məlumatda qeyd olunub ki, mənzilin sakinlərinin sayına görə aylıq ödəniş fərqlənə bilər:

"Bu barədə Azərbaycan Respublikasının Tarif (Qiymət) Şurasının "Bərk məişət tullantılarının toplanması, yığılması, daşınması və zərərsizləşdirilməsi xidmətlərinin tariflərinin tənzimlənməsi barədə" 29.07.2024-cü il tarixli, 8 saylı qərarına əsasən, əhali üçün tarif təyin olunub:

"Qeyd olunan xidmət haqqı tariflərinin yığım səlahiyyəti ərazi üzrə mənzil-kommunal təsərrüfatı müəssisələrinə həvalə olunub".