Rusiyaya əleyhinə 28 595 sanksiya tətbiq edilib və bu say digər ölkələrə qarşı tətbiq edilən sanksiyalardan dəfələrlə çoxdur.

RIA Novosti xəbər verir ki, bunu Rusiya prezidenti Vladimir Putin bildirib.

Onun sözlərinə görə, Rusiyaya qarşı “jest” edilsə və sanksiyalar yumşaldılsa belə, Rusiyaya “təzyiq göstərməyin” başqa yolu tapılacaq: "Heç nə əvvəlki kimi olmayacaq".

Putin qeyd edib ki, yerli sahibkarlar sanksiyalar altında işləməyi öyrənib və onlara uyğunlaşan məhdudiyyətlər iqtisadiyyatda müsbət dəyişikliklərin katalizatoru olub.

Putin hesab edir ki, sanksiyalar müvəqqəti və ya məqsədyönlü tədbirlər deyil, Rusiyaya sistemli təzyiq mexanizmidir.

O, biznesi Rusiyaya qarşı sanksiyaları müvəqqəti tədbirlər kimi qəbul etməməyə çağırıb.