ABŞ Prezidenti Donald Tramp HƏMAS-dan əlində olan bütün girovları buraxmağı tələb edərək təşkilatı hədələyib.

O, bu barədə “Truth” hesabında yazıb.

“Bütün girovları indi azad edin, sonra deyil. Əks təqdirdə sizin üçün hər şey bitdi. Sizin gözəl gələcəyiniz ola bilər, amma girovları saxlamağa davam etsəniz, bu belə olmayacaq. Ağıllı qərar qəbul edin. Onları indi azad edin, yoxsa bunun bədəlini ödəməli olacaqsınız”, - Amerika lideri yazıb.

O həmçinin HƏMASI İsrailə lazımi bütün dəstəyi verməklə də hədələyib: “Mən İsrailə işi bitirmək üçün lazım olan hər şeyi göndərirəm, dediyimi etməsəniz, heç bir HƏMAS üzvü təhlükəsiz olmayacaq. Həyatlarını məhv etdiyiniz keçmiş girovlarla indicə görüşdüm. Bu sizə son xəbərdarlığımdır! Rəhbərlik üçün hələ şansınız olduğu halda Qəzzanı tərk etməyin vaxtıdır”.