ABŞ Prezidenti Donald Tramp və Rusiya lideri Vladimir Putin arasında telefon danışığı olub.

ABŞ lideri bunu “New York Post”a müsahibəsində deyib.

Tramp bildirib ki, onlar danışıq zamanı Ukraynadakı vəziyyəti və onun həlli yollarını müzakirə ediblər.

O, Putinlə söhbətinin müddəti və digər təfərrüatlarını açıqlamayıb.

Bununla belə, Tramp qeyd edib ki, Rusiya Prezidenti döyüş meydanında əsgərlərin həlak olmasından narahatdır.

Tramp Rusiya-Ukrayna münaqişəsinə son qoymaq üçün konkret planın olduğunu da vurğulayıb və onun sürətlə həyata keçiriləcəyinə ümid etdiyini deyib:

“Ukraynada dəhşətli müharibə gedir. Mən bu iblisliyə son qoymaq istəyirəm”.