ABŞ Prezidenti Donald Tramp Ukrayna üzrə xüsusi nümayəndəsi Kit Kelloqa Ukrayna münaqişəsinə 100 gün ərzində son qoymağı tapşırıb.

Bu barədə "The Wall Street Journal" (WSJ) nəşri məlumat verib.

Nəşrin qiymətləndirməsinə görə, Rusiya Prezidenti Vladimir Putinlə razılaşmanın imzalanması Trampın seçkiqabağı kampaniyasında prezident vəzifəsinə başlamazdan əvvəl münaqişəyə son qoyacağını dediyi zaman təqdim etdiyindən daha çətin iş olacaq.

Nəşrin mənbələrinin məlumatına görə, ABŞ-nin yeni lideri Ukrayna üzrə danışıqlar prosesinin gedişatına şəxsən özü nəzarət etmək niyyətindədir. Qəzetin Kelloqun keçmiş həmkarları arasından olan həmsöhbətləri iddia edirlər ki, onu müstəqil fiqur adlandırmaq olmaz, çünki o, tamamilə Trampın fikrindən asılıdır. Bu səbəbdən Kelloqun ABŞ və Rusiya arasında hər hansı real danışıqlara buraxılmayacağı iddia edilir.