UFC Döyüş Çempionatının (Ultimate Fighting Championship) keçmiş çempionu Həbib Nurməhəmmədov oktaqona qayıtması üçün ona təklif olunan məbləği açıqlayıb. Məşhur döyüşçü geri qayıtması üçün UFC-nin ona 40 milyon dollar təklif etdiyini bildirib.

Lenta.ru xəbər verir ki, bu barədə “MMA Mania” portalı məlumat yayıb.

“20-30-40 milyon dollara yox demək asan deyil. Amma mənim üçün əsas məsələ bu deyil. Verdiyim qərar asan qərar deyil, ancaq mən qərar vermişəmsə, deməli, son qərar budur”, - Nurməhəmmədov bildirib.

O, idman karyerasını bitirdiyinə görə heç vaxt peşman olmadığını vurğulayıb.

Qeyd edək ki, oktyabrın 20-də Nurməhəmmədov MMA (Mixed Martial Arts) ilə yollarını ayırdığıni elan edib. İdmançı qarışıq döyüş növləri ilə bağlı hər şeydən tamamilə imtina etdiyini bildirib və onun bu qərarının anlayışla qarşılanacağını vurğulayıb.

Xatırladaq ki, Nurməhəmmədov 2020-ci ildə karyeraslna son qoymazdan əvvəl üç dəfə yüngül çəkidə UFC çempionluğunu qoruyub. Ümumilikdə isə idmançı qarışıq döyüş növləri üzrə 29 peşəkar döyüşdə 29 qələbə qazanıb.