Zaqatala rayonunun Muğanlı kəndində sahibsiz itlər uşaq bağçasına hücum edib.

Məlumata görə, bu barədə sosial şəbəkələrdə görüntülər yayılıb.

Bildirilir ki, bağça rəhbərliyi sahibsiz itlərin qorxusundan uşaqları həyətə buraxa bilmir.

Məsələ ilə bağlı Şəki-Zaqatala Regional Təhsil İdarəsinə müraciət etdik.

Qurumun ictimaiyyətlə əlaqələr üzrə məsul şəxsi Mahal Məmmədov Lent.az-a açıqlamasında bildirib ki, bağça rəhbərliyi məsələ ilə bağlı rayon İcra Hakimiyyətinə məlumat verib:

“İtlərin kənarlaşdırılması isə icra hakimiyyətinin kurasiyasında olan məsələdir”.