Kiyevin Şevçenko Rayon Məhkəməsinin binasında partlayış baş verib.

Ölkənin daxili işlər naziri İqor Klimenko məhkəmə binasında "fövqəladə insident" baş verdiyini və polisə partlayış barədə məlumat daxil olduğunu təsdiqləyib.

İlkin məlumata görə, bunu məhkəmə iclasına gətirilən şəxs təşkil edib. Kiyev hərbi administrasiyası partlayışın məhkəmənin tualetində baş verdiyini bildirir.

Hadisə yerində istintaq-əməliyyat qrupu, xüsusi təyinatlılar və kinoloqlar işləyir. Məhkəmə binasının ətrafı mühasirəyə alınıb.

"RBC-Ukrayna" və "Strana" nəşrlərinin məlumatına görə, partlayışı 2015-ci ildə Ukrayna Ali Radası qarşısında mitinq zamanı terror aktında ittiham olunan "Siç" könüllülər batalyonunun döyüşçüsü İqor Qumenyuk törədib.