Tovuz Rayon Polis Şöbəsi əməkdaşlarının həyata keçirdikləri tədbirlərlə narkokuryerlik edən, əvvəllər məhkum olunmuş 49 yaşlı Cəmaləddin Bayramov saxlanılıb.

RegionXəbərləricom.az "Report"a istinadən xəbər verir ki, ondan 4 kiloqram narkotik vasitə olan marixuana, tiryək, bir ədəd avtomat, həmin silaha aid daraq və 4 ədəd patron götürülüb.

Araşdırmalarla müəyyən edilib ki, C.Bayramov ölkəyə qeyri-qanuni yolla gətirilərək Tovuz rayonu ərazisindəki qəbiristanlıqların birində gizlədilən narkotikləri şəxsi istifadə və satış məqsədilə əldə edib.

Faktla bağlı cinayət işi başlanıb, saxlanılan şəxs barəsində həbs qətimkan tədbiri seçilib, araşdırmalar davam etdirilir.