“Kənd təsərrüfatı dövrü bitdi” ittihamı ilə şərlənən Türkiyə bu gün kənd təsərrüfatı məhsullarının həcminə görə Avropada lider, dünyada isə 8-ci yerdədir. Vətəndaşların halal loxmasına göz dikənlərin qarşısını almağa davam edəcəyik”.

Bunu Türkiyə Prezidenti  Rəcəb Tayyib Ərdoğan fermerlərlə iftar sürfəsində çıxışında deyib:

“Ən ağrılı vaxtlarda demokratiyamıza verdikləri dəstəyə görə fermer qardaşlarımıza  minnətdarıq. Unutmaq olmaz ki, siz iyulun 15-də milli iradənin qorunmasında ön sıralarda olmusunuz. Biz sizinlə birlikdə 15 iyul kimi bir çox çətinlikləri dəf etdik. O qaranlıq gecədə çevrilişçilərin işini çətinə salan bütün qəhrəmanlara bir daha təşəkkürümü bildirirəm.

Biz 85 milyonun sülhü üçün çalışırıq.

Bunlar bizim aqrar sektorumuzun müxalifətin gizlətməyə çalışdığı reallıqlarıdır. Onlar yenə də bir yalan taparlar.

Nazirliyimiz vətəndaşlara imitasiya məhsulları təklif edənlərə qarşı yoxlama kampaniyasına başlayıb. Saxta məhsullar aşkarlanaraq dərhal KİV-də dərc olunur. Süni bahalaşma ilə mübarizəmiz səngimədən davam edir”.