İşəgötürən əmək münasibətləri prosesində aşağıdakı hallarda işçiyə vurulan ziyana görə tam maddi məsuliyyət daşıyır:

1. Əmək müqaviləsinə qanunsuz və əsassız xitam verilməsi nəticəsində - məhkəmənin qanuni qüvvəyə minmiş qətnaməsi olduqda.

2. Əmək mübahisələrinin həlli zamanı işçiyə dəyən maddi və ya mənəvi ziyanın məbləği- məhkəmənin qərarı ilə müəyyən edildikdə.

3. İşəgötürən tərəfindən əməyin mühafizəsi qaydalarına əməl olunmadığına görə baş vermiş istehsalat qəzası nəticəsində əmək funksiyasını yerinə yetirərkən - sağlamlığına və ya səhhətinə ziyan vurulduqda, habelə bu səbəbdən həlak olması, ailə üzvlərinə maddi ziyan dəydikdə.

4. Imək funksiyasını yerinə yetirərkən işçinin şəxsi əşyalarının, digər əmlakının işəgötürən tərəfindən mühafizəsi, saxlanılması lazımi qaydada təşkil olunmadığı üçün korlanması, oğurlanması nəticəsində ziyan vurulduqda, bu əşyaların fiziki aşınması ilə əlaqədar ziyan dəydikdə.

5. İşçinin əmək haqqı və s. digər ödənişləri işəgötürən tərəfindən düzgün müəyyən edilmədikdə, habelə əsassız və ya qanunsuz olaraq verilmədikdə.

6. Əmək müqavilələrinə işçilərin hüquqlarını - qüvvədə olan qanunvericiliyə, kollektiv müqaviləyə nisbətən məhdudlaşdıran şərtlərin işəgötürən tərəfindən daxiledilməsi nəticəsində işçilərə dəyən maddi bə mənəvi ziyan.

7. Əmək müqaviləsi ləğv edildikdən sonra işəgötürən tərəfindən hər hansı üsulla işçinin şəxsi və peşəkarlıq keyfiyyətlərinin aşağı səviyyədə olması barədə həqiqətə uyğun olmayan, habelə şəxsiyyətini ləkələyən digər məlumatlar yaydığına görə işə düzələ bilməməsi ilə əlaqədar işçiyə maddi, mənəvi ziyan vurulduqda.

8. Əmək müqaviləsi üzrə işəgötürən - digər öhdəliklərini yerinə yetirmədiyinə görə işçiyə maddi ziyan dəydikdə.