Suriyanın paytaxtı Dəməşqdə yerləşən Əməvi məscidində Cümə namazı vaxtı baş verən izdihamda ilkin məlumata görə üç nəfər həyatını itirib.

Bu barədə Suriya KİV-i məlumat yayıb.

İzdiham nəticəsində beş nəfərin xəsarət aldığı bildirilir.

Hələlik məsciddə sıxlığın hansı səbəbdən baş verdiyi açıqlanmır.

Məlumat üçün əlavə edək ki, Əməvi məscidi paytaxt Dəməşqin simvolu hesab edilir. Tarixi VII-VIII əsrə dayanan hazırkı məscid əvvəl xristianlar tərəfindən kilsə kimi istifadə edilib, islamın gəlməsindən sonra isə ərazisi artırılaraq islam dünyasının ən böyük məscidlərindən birinə çevrilib. Məscidin ərazisində dini kitablarda adı keçən dini xadimlərinin, həmçinin islam sərkərdələrinin məzarları yerləşir.