Çinli BYD populyarlıq baxımından demək olar ki, bütün Avropa avtomobil istehsalçılarını geridə qoyub.

2024-cü ilin noyabr ayı etibarilə ən çox satılan avtomobil markaları sıralamasında "Toyota", ikinci yerdə isə "Volkswagen" gəlir. 

Bu barədə "Focus2Move" məlumat yayıb.

"Toyota" 8,33 milyon avtomobil satıb. İllik 0,2% azalmaya baxmayaraq, nəhəng qlobal liderliyini inamla qoruyur. İkinci yeri 4,44 milyon ədəd (+0,4%) satan "Volkswagen" tutub.

Üçüncü yerdə 3,39 milyon avtomobil satışı ilə BYD qərarlaşıb. Eyni zamanda, Çin istehsalçısı 42,1% artım göstərib ki, bu da ən populyar 10 avtomobil markası arasında ən yaxşı göstərici olub.

Qeyd edək ki, hələ 2019-cu ildə BYD dünya reytinqində cəmi 49-cu yeri tuturdu. Onu da əlavə etmək yerinə düşər ki, alman istehsalçı BMW "TOP-10"a daxil olmayıb.

1. Toyota - 8,33 milyon;

2. Volkswagen – 4,44 milyon;

3. BYD – 3,39 milyon;

4. Honda – 3,39 milyon;

5. Hyundai – 3,38 milyon;

6. Ford – 3,36 milyon;

7. Nissan – 2,85 milyon;

8. Chevrolet – 2,72 milyon;

9. Kia – 2,67 milyon;

10. Mercedes - 1,99 milyon.