““Hizbullah”ın “Radvan” qüvvələrinin komandiri Əli Hassin İsrailin endirdiyi zərbə nəticəsində öldürülüb”.

Bu barədə “The Jerusalem Post” məlumat yayıb.

Bildirilir ki, Əli Hassinin ölümünə səbəb olan zərbə Livanın cənubunda baş verib. “Radvan” komandiri ilə yanaşı, daha iki “Hizbullah” döyüşçüsü öldürülüb.

İsrail Ordusunun məlumatında görə, Hassin İsrailin şimalında dinc sakinlərə qarşı terror hücumlarının planlaşdırılması və həyata keçirilməsinə cavabdeh idi.

Qeyd edək ki, “Radvan” “Hizbullah”ın elit xüsusi əməliyyat bölməsidir. Əsasən İsrailin şimal hissəsində hücumlar və təxribatların həyata keçirilməsində iştirak edir.