Çin Xalq Azadlıq Ordusunun Tayvan ərazisindəki təlimləri adanın ABŞ-la sövdələşməsinə cavab olaraq milli suverenlik və ərazi bütövlüyünü qorumaq üçün təşkil edilib. 

Bu barədə Çin Müdafiə Nazirliyinin rəsmi nümayəndəsi Tan Kefeinin yaydığı bəyanatda deyilir.

"Şərq Döyüş Komandanlığı Zonası yaxınlarda Tayvan ərazisində müxtəlif qoşun növlərinin cəlb olunduğu hava və su hazırlığı təlimi təşkil etdi. Bu, ABŞ və Tayvan arasında baş tutan sövdələşməyə cavab idi. Onlara qarşı mübarizə aparmağa, kənar qüvvələrin və Tayvanın müstəqillik tərəfdarı olan elementlərin istənilən separatçı planlarını məhv etmək üçün bütün lazımi tədbirləri görməyə hazırıq”, - deyə o qeyd edib.

Rəsmi həmçinin vurğulayıb ki, Tayvanın müstəqillik cəhdləri onları çıxılmaz bir yola aparacaq.