Pakistanın şimal-qərbində baş verən terror aktı nəticəsində 11 işçi həlak olub.

Bu barədə Baş nazir səlahiyyətlərini icra edən Ənvar-ül-Haq Kakar açıqlama verib.

“Reuters” təhlükəsizlik xidməti və polisə istinadən yazır ki, ehtimal olunan əldəqayırma partlayıcı qurğu işçilərin olduğu yük maşınında işə düşüb. Onlar Əfqanıstanla sərhəddə yerləşən Vəziristan bölgəsində tikinti sahəsinə gedirmiş.

Hələlik heç bir qruplaşma hücuma görə məsuliyyəti üzərinə götürməyib.