Rusiyada Alla Puqaçovanın öldüyü iddia edilən saxta xəbərlər yayılıb.

RegionXəbərləricom.az KONKRET.az-a istinadən məlumatına görə, “Dni.ru” media resursunda “Qalkin gələ bilmədi: pərəstişkarları altıncı infarktdan dünyasını dəyişən Puqaçovaya gül və şam gətirirlər” başlıqlı xəbər yayılıb.

Netizenlər yazının dərhal Primadonna haqqında olduğunu düşünüblər. Əslində isə söhbət müğənninin anası Zinaida Arxipovnadan gedir və bu, hələ 1986-cı ildə baş verib. Həqiqətən, qadın altıncı insultdan sonra ölüb.

Lakin məqalənin müəllifləri konkret ad göstərməyiblər, ancaq yüksək başlıq ilə oxucuları cəlb ediblər.

Məlumdur ki, Puqaçova özü də uşaqları ilə birlikdə hazırda Latviyadadır. O, bu yaxınlarda Ukraynanı müharibədə dəstəkləyən dostu Layma Vaykule ilə birlikdə görüntülənib.

Onun həyat yoldaşı Maksim Qalkin konsertlərdə çıxış edir və pulun bir hissəsini ukraynalı qaçqınlara kömək üçün bağışlayır.

Xatırladaq ki, bir müddət əvvəl rusiyalı parodist Maksim Qalkin Varşavada konsert verib. O, rəngləri Ukraynanın bayrağını simvolizə edən mavi və sarı rəngli kostyumda səhnəyə çıxıb.