Müqəddəs Ramazan və Novruz bayramları münasibətilə Masallı rayonunun Ərkivan qəsəbəsində yaşayan aztəminatlı ailələr üçün "Ramazan ətiri Novruz bayramı" adlı xeyriyyə aksiyası keçirilib.

Ərkivan Xeyriyyə Cəmiyyətinin təşkilatçılığı ilə keçirilən aksiya qəsəbədə yerləşən “Bağlaküçə" Mərasim evində baş tutub.

Bayram əlval-ruhiyyəsində keçən tədbirdə qəsəbə ziyalıları, şəhid ailələri, xeyriyyəçilər və qəsəbə fəalları iştirak edirlər.

Çıxış edən şəhid atası Habil Rəhimov, qəsəbə sakinləri Cəbrayıl Məmmədov və Əhməd Əhmədov təşkilatçılara və maddi dəstək göstərən xeyirxah insanlara minnətdarlıqlarını bildiriblər. 

 Ərkivan Xeyriyyə Cəmiyyətinin sədri Cəfər Cəfərov bildirib ki, humanitar aksiya qəsəbə xeyriyyəçilərinin maddi dəstəyi ilə baş tutub. Aksiya zamanı hər birinin dəyəri 55 manat olan 161 ədəd sovqat bağlaması könüllülər tərəfindən aztəminatlı ailələrə çatdırılıb.

DİQQƏT! Ərkivan Xeyriyyə Cəmiyyətinin təşkil etdiyi xeyriyyə aksiyaları reklam məqsədli olmadığından və etik səbəblərdən bayram sovqatı aparılan ailələrin kimliyi məxfi saxlanılır.

Bayramınız mübarək olsun!