“Bu günə kimi 96 plastik cərrah öz sənədlərini təqdim edib, onlardan 40-nın sənədləri təftiş edilib”.

Bunu jurnalistlərə açıqlamasında səhiyyə naziri Teymur Musayev deyib.

“Səhiyyə Nazirliyi, Elm və Təhsil Nazirliyi və Baş Prokurorluqdan ibarət təftiş komissiyasının beş iclası keçirilib. Təftiş komissiyasının sonunda Azərbaycanda plastik cərrahlıqla məşğul ola biləcək şəxslərin siyahısı təqdim ediləcək”,- nazir əlavə edib.

Bundan başqa, Teymur Musayev qeyri-rəsmi fəaliyyət göstərən stomatoloqlarla bağlı sualı da cavablandırıb. O qeyd edib ki, hər hansı vətəndaş mətbəxdə diş çəkdirirsə, ona Səhiyyə Nazirliyi cavabdeh ola bilməz.

“Bununla bağlı Analitik Ekspertiza Mərkəzi fəaliyyət göstərir. Qanunsuz işləyən müəssisələr vaxtaşırı cərimələnir”, - deyə, səhiyyə naziri vurğulayıb.