2025-ci ilin yanvar-mart ayları ərzində Azərbaycan neftinin ən çox ixrac edildiyi ölkələrin adları açıqlanıb.

Dövlət Gömrük Komitəsinin hesabatına görə, 13 ölkəyə ümumilikdə 3,4 milyard dollar dəyərində 6 milyon tondan çox neft satılıb.

Ən çox neft isə İtaliyaya ixrac edilib. Bu ölkəyə satılan neftin həcmi 3,1 milyon ton, məbləği isə 1,7 milyard dollar olub. Çexiyaya isə 304,7  dollarlıq 558,7 min ton neft satılıb.

Siyahıda yarım milyon tonla üçüncü yerdə Almaniya durur ki, bu ölkəyə satılan xam neftin məbləği 276,5 milyon manat təşkil edib.

Ən az neft isə Türkiyəyə satılıb - 24,2 min ton. Neftin dəyəri isə 12 milyon dollar təşkil edib.

İxrac olunan neft ən baha qiymətə Bolqarıstana (1034 manat) və İsveçrəyə (1021 manat), ən aşağı qiymətə isə Türkiyəyə (848 manat) satılıb.